കേരളത്തില് സ്വന്തമായി വെബ്സൈറ്റ് ഉള്ള ആദ്യത്തെ കള്ളുഷാപ്പ് (മുല്ലപ്പന്തല് ഷാപ്പ് )സ്ഥിതി ചെയ്യുന്നത് പൂത്തോട്ടയില് നിന്നും 6 കിലോ മീറ്റര് ദൂരത്തിലാണ്... മലയാളിയായി പിറന്നാല് ഒരു തവണയെങ്കിലും മുല്ലപ്പന്തലില് വരണം... ടേസ്റ്റ് ന്റെ കാര്യത്തില് നോ കോമ്പ്രമൈസ് ...
about poothotta...
- naveenjjohn
- poothotta , ernakulam, keralam, India
- ഞാന് നവീന് ........, അവകാശവാദങ്ങളൊന്നും ഇല്ല. എഴുതാന് അറിഞ്ഞിട്ടോ വേണ്ടത്ര വിവരമുണ്ടായിട്ടോ ഒന്നുമല്ല ബ്ലോഗാന് തുടങ്ങിയത്... സോ..,സ്റ്റാന്റേർഡ് പ്രതീക്ഷിക്കരുത്. വഴിതെറ്റി ഇവിടെയെത്തുന്നവരെ 'കൊന്നു കൊലവിളിക്കണം' എന്ന ഒറ്റ ഉദ്ദേശം മാത്രമേ ഇതിനു പിന്നിലുള്ളൂ...
2011 ഫെബ്രുവരി 17, വ്യാഴാഴ്ച
പൂത്തോട്ടക്കായലിലൂടെ ഒരു യാത്ര...
പൂത്തോട്ടക്കായലിലൂടെ ഒരു യാത്ര...
മുറിഞ്ഞ പുഴ , പൂത്തോട്ടയില് നിന്നും വെറും ഒന്നര കിലോമീറ്റര് ദൂരത്തായി സ്ഥിതി ചെയ്യുന്നു...
മുറിഞ്ഞ പുഴ , പൂത്തോട്ടയില് നിന്നും വെറും ഒന്നര കിലോമീറ്റര് ദൂരത്തായി സ്ഥിതി ചെയ്യുന്നു...
2011 ഫെബ്രുവരി 13, ഞായറാഴ്ച
ബോട്ട് ജെട്ടി പൂത്തോട്ട
പൂത്തോട്ട ബോട്ട് ജെട്ടിക്കും ഒരു പാട് കഥകള് പറയാനുണ്ടാവും... പാലത്തിന്റെ കിഴക്ക് വശത്തായിരുന്നു ആദ്യത്തെ ജെട്ടി സ്ഥിതി ചെയ്തിരുന്നത്... പക്ഷെ വേലിയേറ്റ സമയത്ത് യാത്രാ ബോട്ടുകളുടെ മുകള്വശം പാലത്തില് തട്ടി കേടുപാടുകള് സംഭവിക്കുന്നത് തുടര്കഥ ആയതില് പിന്നെയാണ് അധികാരികള് പാലത്തിന്റെ പടിഞ്ഞാറ് ഭാഗത്തേയ്ക്ക് ഇന്നത്തെ ബോട്ട് ജെട്ടി പുനസ്ഥാപിച്ചത്...
ആലപ്പുഴ ജില്ലയിലെ ഏക ദ്വീപ് പഞ്ചായത്തായ പെരുമ്പളം ദ്വീപില് നിന്നും ദിവസേന നൂറു കണക്കിന് വിദ്യാര്ഥികള് ഉള്പ്പെടുന്ന യാത്രക്കാര് പൂത്തോട്ടയിലെത്തി എറണാകുളം, കോട്ടയം, വൈക്കം തുടങ്ങിയ സ്ഥലങ്ങളിലേക്ക് റോഡുമാര്ഗ്ഗം സഞ്ചരിക്കുന്നു...
2011 ഫെബ്രുവരി 5, ശനിയാഴ്ച
പൂത്തോട്ട ബസ് സ്റ്റാന്റ്
ചുവന്ന പെയിന്റടിച്ച ഏറണാകുളം സിറ്റി ബസുകളുടെ ലക്ഷ്മണ രേഖയാണ് പൂത്തോട്ട .ഇതിനപ്പുറത്തെയ്ക്ക് പോകാന് ചുവന്ന ബസുകള്ക്ക് അനുവാദമില്ല .. സിറ്റി ബസ്സുകളില് വന്നിറങ്ങുന്ന യാത്രക്കാര്ക്ക് കോട്ടയം വൈക്കം മുതലായ സ്ഥലങ്ങളിലേക്ക് പോകാന് ഇവിടെ നിന്നും സര്വ്വീസ് ആരംഭിക്കുന്ന ഓര്ഡിനറി ബസ്സുകളുടെ സേവനം ലഭ്യമാണ്... കേരളത്തില് ആദ്യമായി KSRTC low floor ബസ്സുകള് നിരത്തിലിരക്കിയത് പൂത്തോട്ടയില് നിന്നാണ്... ഇപ്പോള് ഇവിടെ നിന്നും എറണാകുളം ആലുവ ഞാറക്കല് ഭാഗങ്ങളിലേക്ക് ദിവസേന 21 'ലോ ഫ്ലോര്' ബസ് സര്വീസുകള് നിലവിലുണ്ട്... പുതിയതിന്റെ കാലം വരുമ്പോള് പഴയതിനെ മറക്കരുതല്ലോ വൈക്കം പൂത്തോട്ട റൂട്ടില് ഓടിക്കൊണ്ടിരുന്ന KRO 615 എന്ന നമ്പറില് 'വിര്ജിന് മേരി' എന്ന പേരില് ഒരു വണ്ടി മുത്തശ്ശി ഇന്നും പഴമയെ സ്നേഹിക്കുന്ന പൂത്തോട്ടക്കാരുടെ മനസ്സുകളില് ഉണ്ടാവും... പിന്നെയുമുണ്ട് ഒരുപാട് ക്രിസ്തുരാജ്, വേമ്പനാട്, അങ്ങനെ ഒരു പാട്...
അതില് വേമ്പനാടിന്റെ പെര്മിറ്റിലാണ് ഇപ്പോള് പൂതോട്ടയിലേക്കുള്ള ലാസ്റ്റ് ബസ്സ് ആയ P.M.S ന്റെ ഓട്ടം..
കേരളത്തിലെ എല്ലായിടത്തെയും പോലെ സമയത്തിന്റെ പേരില് ഡ്രൈവര് മാര് തമ്മിലുള്ള വാക്കുതര്ക്കവും ഗുണ്ടായിസവും ഇവിടെ സ്ഥിരം കച്ചേരിയാണ് .
ഒട്ടു മിക്ക വണ്ടിപ്പണിക്കാരും അറിയപ്പെടുന്നത് ഇരട്ടപ്പേരുകളിലാണ്... പൊടി,ഹൃദയം, ഗ്ലാമര്, പുളിക്കന്, ഓപീയാര്, വണ്ടു ,വര്ക്കി ,കൊല്ലന്,തിളപ്പ് എന്നിവ ഇവിടുത്തെ ജനങ്ങള് കാണാപ്പാഠം പഠിച്ച ഇരട്ടപേരുകളാണ്...
എന്തൊക്കെയായാലും സ്നേഹമുള്ളവരാണ്... എല്ലാവരും തന്നെ (ചില കടും വെട്ട് കേസുകള് ഒഴികെ )
പൂത്തോട്ട കടവ്
പൂത്തോട്ടയില് പാലം വരുന്നതിനു മുന്പ് കാട്ടിക്കുന്നില് നിന്നും പൂതോട്ടയിലേക്ക് ആളുകള് വന്നിരുന്നത് ചങ്ങാടം ഉപയോഗിച്ചായിരുന്നു... ആ കടവാണ് പില്ക്കാലത്ത് ബോട്ട് ജെട്ടി ആയി പരിണമിച്ചത്.... ഇന്ന് ഈ കടവ് മണല് മാഫിയക്ക് സ്വന്തം... ഈ കടവിനടുത്തുള്ള കൈതക്കാട്ടില് പണ്ടെങ്ങോ ഒരു കാവി മുണ്ടുടുത്ത 'ശവം' പൊങ്ങിയത് ഓര്മ്മയിലുണ്ട് ഇപ്പഴും...
ഇതിനായി സബ്സ്ക്രൈബ് ചെയ്ത:
അഭിപ്രായങ്ങള് (Atom)